VAJE
Mae Mırê Zazaki vajı,
Bra mırê Zazaki bınusı,
Ombaz mırê ju dêrı vajı,
Zwendê madı...
Mıre non u nonwerê ma biya rê..
Do biya rê, piyaz biya rê
Bılxulo fırongın mı rê biya rê
Mae mı rê nono işte vırazı adırdı.
Keşka vrazê...
Eyni dê pili ra mırê awke serdını bya wae
Zerê mı weşa...
Mırê melmeketdê mıra bas kırê
Çermugı senina nıka.
Mıleta ma sekena
Dewa mı senina,
Merdımı mae sekenê
Mı ra vaje...
Şon byo nıka dewda ma dı.
Mıletı eyvonıdı roşena nıka.
Gence ma qalonê xo qenê,
Pirye ma sonıqo vone,
Meselonê verino ra bas kenê
Mı re ji ju sonıka verino vaje
Mesela verin ora mı re bas kı rê
Sonıka Kındileki vate
Maya mı
Wexte kı ez kıj viyo
Mae mı re a sonıkı qona vajı.
Nıka sıva beno
Mıletı warzena nımaj
Mı re ji, ma re ji
Ju duvae bıkı re
Sevê xeyr de ma vaje
Sevê rıza da Allai vajê.
Melmeket kewto mı viri
Melmeket zaf mı ra duri
Mae to ju neni vate wexto kı ez kıj vyo
"Luri luri, laje mı luri,Laje mı pil vo şêro rayondê duri"
"Pıstınê cı pır vo sayon dê suri"
Mae to çıra vuni va...
Mae vatena to mırê bi duwa.
Ez kewto cae dê duri
Ez neşkeno heyni peyser bêri.
Gence ma suqıji suqe şıma seninê?
Şıma ji cayonê x ora ma rê bas qı rê.
Ma rê Zazaki Vaje
X o ra ma rê Zazaki bas qı rê.
Zwene ma bınusê
Zwenê madı vaje.
Zaza Dêrbekırıj
15.02.2008 02.20