ĞERİV JU WEQİT,
ĞERİV JU NUSTE, ĞERİV JU ŞİYİRI
Weqit uni ju weqito
Şew şewı niya
Roz roz niyo
Ne gone, ne merdê xodı niyo
Zemon ğıravo, zwen ğıravo
Miçıqı ji perena,
Teyr ji pereno..
Hemo ne teyr miçıqı,
Ne ji miçıqı teyr fam kena…
Zemon ğıravo, ison ğıravo
İsonetê ğırava, merdımê ğırava..
Ju mar u pêrra biye hemo
Ne bıra bıray, ne ji way way fam kena
Ne laj pêrê xo, ne pi laje xo fam qeno…
Ne may keyna xo, ne keyna maya xo…
Ma wuni ju cadımı qı,
Ne ca cae mao, ne ma ê caymı,
Zerê ma teverdı ro, teverê ma zeredı,
Ne zeri, zeriya, ne zeri condıra;
Qelemı nênusnena;
Mezgê merdımi fam nêkeno,
Aqıl vındêrdo,
Ray cadıra.. raywon rayra neşıno,
Pawıtê raywon estê çinye, kes nêzono;
Mı vat ya, uni ju weqito, zemon ğerivo…
Zwen qali/qesey benê, nustoği çınye;
Şiyir wonyenê, şayiri çinye..
Dınyao geyreno, dınyada ma çinyem…
Nustoğe ma, fıqırkerdoğe ma mıreno,
Ju medya dınyadı nenusyeno Dınya ri ra ju merdım şi
No merdım ecev senin merdım vi kes bas nêkeno..
Onca dost u ombazi xevera cı jubinira bena..
Nustoğe ma, fıqırkerdoğe ma heşa huzurra;
Hendê benamuso nêerciyeno medyadı nomecı nenusyeno…
Hendê dızdo bile medyadı ca nêgeno..
Na ray, ray niya ez vono,
No şiyayış şiyayış niyo..
“Weerê bêweero Ellawo” madı vonê…
Tırkidı vonê “Ağlamayan bebeye süt vermezler”
Ma qı xo nêvımı, ma qı xo ser nevajımı,
Keso qı ma bızono çınyo..
Derdê ma ji madıro, melemê ma ji..
Nustoğ bınuso, gırwekerdoğ bıgırweyo,
Alime ma, ilm bıkıro..
Şayire ma bınuso gere..
Ma xo re weer vejyımı,
Xo bısınasımı, xo sınasayışdımı qı
Dınyaji ma bızono..
Zaza Derbekrj
20.12.200 seatı: 01.20