NE VÊREME ZONÊ HORA, NE Kİ PAGU RA

NE VÊREME ZONÊ HORA, NE Kİ PAGU RA

Wastena taé mordemu mara
Vané "Sıma ki bıvéré zoné hora"
Taé mordemi ki erzené ho serra
Yé vané: "mevéré malé dinara"

Yé ma, péra ma çınay ré wahira
Serva goni u qéreté kami ra
Pers u qesuné saré teveri ra
Kok bıriyo, qom ke vérdo zoni ra

Hozar serra xér nédi xızmetu ra
Ma mınete keme nejdi u dur ra
Nae ra qéri, se vaji ki zura
Ne véreme zon ra, ne ki pagu ra

Béré sıma nae me vazé, ma ra
Serva nae, mıneta ma sıma ra
Bıra! tı ke nae ra xeverdara
Hona ke rewo, vaz bé na sowda ra

Névérino gon u qéreté ho ra
Coka gos nékuyenu qesé to ra
Vastena to ma ré "bıné bandora"
To ré bena, bandore mı ré zora

Çinébiyaena wazené ma ra
Serva daye, "TI" niya bétivara
Tı ke na qesuné ho ré haydara
Yé ma kéf u eşq niyo, na hawara

Werté ho de, ve zoné saré teveri
Derdé ho, pé sené zon qeséykeri
Lao sıma névané, " ez sekeri"
Hata kéy, xızmeta sari bıkeri

To naskenu, xeverdaru ez to ra
Çı tı mıra vazena, tené zora
Torné Thuji pers kerd vijdané ho ra
Bézaro qa, xızmeta der u dor ra

Torné Thuji -27.04.2007