WESAWES MERDE NÊBENO

WESAWES MERDE NÊBENO

Torné Thuji
tornetuji@gmail.com

Vejiyo ro kurşi ser, poré ho vaydano

Çond séy serru ra avér ki xeveru dano

“Ma péro bıra ime, hem ki ju ime” vano

“Na é ra qéri péro zuré xelefan o”




Mevlana vato; kes, weşi merde mezano

Merde uye ke, qe pay ra, gere memano

Heté ra eve ho, qomé bé zon verdano

Kam ke bé zon bımano, bé ro u bé cano




Ceddé mao, qesa ke menda, maré kona

Névajino merdo, ju ke némerdo hona

Kes, névano ‘Tı qom u zoné ma, se zona

Çıke yéno veré feki, erzena, sona’




Heqo çévésaye, no sené din u iman o

Yé tayine ki, no undér sené vijdan o

Ê qesey kené, ma né, no sené méydan o

Tayé héşir, tayé wayir, no sené can o




Babao riyé nayine qe zon nédano
Qız u pil, çı ke ame veré feki vano
Heqi ra néjdiyo, juyo ke cıra yan o
Duwa mı,’kes bıné bandore de memano’




Tayine eve zor u zext bé veng verdano
Phıjina ho névéjina, no sené zeman o
Qomé dine ré tım u tım dem u dewran o
Ma, na Qomé ma, çıra per u périşan o




Sar ki yéno, welaté ma de nune weno
Yé ma ki welaté ho de vésan maneno
Heqo heqo çéwésaye, se vindi beno
Torn çıra, zoné khalıké ho né zoneno




Hundayé ke ma naye qewul kerde ime
Ma ke bé çare, ri yé na dina de ime
Hardé ho sero bé nam u zon verde ime
Torné Thuji, bé dae ke, ma merde ime

• Kamia ma, kılamuné ma de ra*